HTV Pakistan

قطر کا پاکستان میں 22 ارب ڈالر کی سرمایہ کاری کا منصوبہ

پڑھنے کا وقت: 1 منٹ

قطر پاکستان میں‌ بڑی سرمایہ کاری کرے گا، امیر قطر جلد پاکستان کا دورہ کریں گے.
ایچ ٹی وی پاکستان کی رپورٹ کے مطابق امیر قطر الشیخ تمیم بن حمد الثانی اتوار کو پاکستان کا دورہ کریں گے۔ ان کے ساتھ قطری اعلیٰ حکام کا وفد پاکستان آئے گا۔
اس دورے میں امیر قطر اور پاکستان کے اعلیٰ‌ حکام کے دوران اہم ملاقاتیں ہوں گی، جس میں دو طرفہ تعلقات پر بات ہوگی.
سفارتی ذرایع کے مطابق قطر کی پاکستان میں 22 ارب ڈالر کی سرمایہ کاری میں مختلف پراجیکٹس شامل ہیں۔
تجزیہ کاروں کا کہنا ہے کہ قطر کی جانب سے اس سرمایہ کاری سے پاکستانی معیشت پر گہرے اثرات مرتب ہوں گے.
قطری سفارت خانے کے اعلامیہ کے مطابق امیر قطر کے دورے کے دورانیہ کا جلد اعلان کیا جائے گا.
خیال رہے کہ 16 جون 2019 کو امیر قطر الشیخ تمیم بن حمد آل ثانی نے تاجکستان کے دارالحکومت دو شنبہ میں ایشیائی تعاون تنظیم ’سیکا‘ کے اجلاس کے موقع پر ایرانی صدر حسن روحانی سے ملاقات کی تھی۔
اس موقع پر اسلامی جمهوریه ایران کے صدر حسن روحانی کا کہنا تھا کہ قطر اور دوست ممالک کے ساتھ تعلقات کو وسعت دینا ایران کی خارجہ پالیسی کی اولین ترجیح ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*