Thursday, February 6, 2020

خلا میں ریکارڈ مدت تک رہنے والی خاتون زمین پر واپس آگئیں

0


خلا میں کئی ریکارڈ بنانے والی امریکی خلانورد 41 سالہ کرسٹینا کوچ مسلسل 328 دن رہنے کے بعد زمین پر واپس آگئیں۔
وہ پہلی خلانورد خاتون ہیں جنہوں نے مسلسل خلا میں تقریبا ایک سال کا عرصہ گزارا، ساتھ ہی ان کے پاس خلا میں کئی اہم کارنامے سر انجام دینے کا اعزاز بھی ہے۔
کرسٹینا کوچ 28 دسمبر 2019 کو وہ پہلی خاتون خلانورد بنیں تھیں جنہوں نے مسلسل 289 دن گزارنے والی پہلی خاتون بنی تھیں، ان سے قبل خلا میں مسلسل سب سے زیادہ وقت تک رہنے کا ریکارڈ امریکی خاتون پیگی وٹسن کے پاس تھا جو 288 دن رہی تھیں۔
کرسٹینا کوچ کو یہ اعزاز بھی حاصل ہے کہ انہوں نے اکتوبر 2019 میں ساتھی خاتون خلانورد جیسیکا میر کے ساتھ مل کر عالمی خلائی اسٹیشن کی مرمت کرکے نیا اعزاز حاسل کیا تھا، وہ یہ کارنامہ سر انجام دینے والی پہلی خواتین تھیں۔
دونوں خلا نورد خواتین کو عالمی خلائی اسٹیشن کے باہر نصب پاور کنٹرول سسٹم میں لگی 2 بیٹریوں کو تبدیل کیا اور انہیں اپنا مشن مکمل کرنے کے لیے خلائی اسٹیشن کے اندر جانے کی ضرورت نہیں پڑی۔
اگرچہ پہلے بھی عالمی خلائی اسٹیشن کی بیٹریوں سمیت مرمت کے دیگر کاموں کےلیے خواتین خلا نورد جا چکی تھیں تاہم ماضی میں خواتین کسی نہ کسی مرد خلانورد کے ساتھ روانہ ہوئی تھیں۔
اسی طرح کرسٹینا کوچ کو یہ اعزاز بھی حاصل ہے کہ انہوں نے دیگر ساتھیوں کی مدد سے خلا میں پہلی بار غذا تیار کی تھی۔

کرسٹینا کوچ نے دسمبر 2019 میں کرسمس کے موقع پر خلائی اسٹیشن پر ایک خاص طرح مائیکرو اوون میں 5 اقسام کی مختلف غذائیں تیار کی تھیں جنہیں گزشتہ ماہ 07 جنوری کو زمین پر بھیجا گیا تھا.
ناسا نے تصدیق کی تھی کہ عالمی خلائی اسٹیشن پر تیار کی گئی 5 میں سے 3 غذائیں 7 جنوری کو نجی خلائی آلات بنانے والی کمپنی اسپیس ایکس کے راکٹ کے ذریعے زمین پر پہنچی تھیں۔
خلا میں اپنی رہائش کے تقریبا ایک سال میں کئی کارنامے سر انجام دینے والی 41 سالہ خلانورد کرسٹینا کوچ خلا میں 328 دن رہنے کے بعد 6 فروری 2020 کو زمین پر واپس آگئیں۔
خبر رساں ادارے ’اے ایف پی‘ کے مطابق کرسٹینا کوچ یورپین خلائی ایجنسی کے ایک خلانورد ساتھی کے ساتھ زمین پر واپس آئیں اور وہ قازقستان پر اتریں۔



Author Image
AboutHTV Pakistan

HTV Pakistan

No comments:

Post a Comment