.....................
HTV Pakistan
بنیادی صفحہ » خبریں » پاکستان سے » کوئٹہ میں بم دھماکہ، ہزارہ قبائل کے 20 افراد جاں بحق، 48 زخمی

کوئٹہ میں بم دھماکہ، ہزارہ قبائل کے 20 افراد جاں بحق، 48 زخمی

پڑھنے کا وقت: 1 منٹ

کوئٹہ کے نواحی علاقے ہزارگنجی سبزی منڈی میں دھماکے سے 20 افراد جاں بحق جب کہ 48 زخمی ہوگئے۔
ایچ ٹی وی کے مطابق کوئٹہ کے نواحی علاقے ہزارگنجی سبزی منڈی میں دھماکے سے 20 افراد جاں بحق جب کہ 4 ایف سی اہلکاروں سمیت 48 افراد زخمی ہوئے۔ دھماکہ اتنا شدید تھا کہ قریبی عمارتوں کوبھی نقصان پہنچا۔ صوبائی وزیر داخلہ ضیا لانگو نے بتایا کہ دھماکا خود کش تھا۔
ڈی آئی جی کوئٹہ کا کہنا ہے کہ جاں بحق 8 افراد کا تعلق ہزارہ کمیونٹی سے ہے، سبزی منڈی میں دھماکا خیزمواد آلوکی بوری میں رکھا گیا تھا، دھماکے میں جاں بحق اورزخمی افراد ہزارگنجی کی منڈی سے سبزی اورفروٹ خریدنے آئے تھے جب کہ دھماکا ریموٹ کے ذریعے کیا گیا یا ٹائم ڈیوائس تھی اس پر تفتیش کررہے ہیں۔
لاشوں اورزخمیوں کو بولان میڈیکل کمپلیکس اورسول اسپتال منتقل کردیا گیا ہے۔ سیکیورٹی فورسزنے علاقے کوگھیرے میں لے کر آپریشن کا آغازکردیا ہے۔ جائے وقوعہ پربم ڈسپوزل اسکواڈ کو بھی طلب کرلیا گیا ہے۔
دوسری جانب وزیراعظم عمران خان، صدرپاکستان عارف علوی، اپوزیشن لیڈر شہباز شریف سمیت وزیرمملکت برائے داخلہ شہریار آفریدی، وزیراعلیٰ بلوچستان جام کمال اوروزیر اعلیٰ پنجاب عثمان بزدارسمیت دیگرسیاسی رہنماؤں نے دہشت حملے کی شدید الفاظ میں مذمت کی ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*