.....................
HTV Pakistan
بنیادی صفحہ » خبریں » اقتصادیات » ڈالر مزید 35 پیسے کم ہوکر 148.15 رو پے کا ہوگیا

ڈالر مزید 35 پیسے کم ہوکر 148.15 رو پے کا ہوگیا

پڑھنے کا وقت: 1 منٹ

انٹر بینک اور اوپن مارکیٹ میں روپے کے مقابلے میں ڈالر کی قدر میں کمی کا سلسلہ جاری ہے۔
انٹر بینک مارکیٹ میں ڈالر مزید 35 پیسے کم ہوکر 148.15 رو پے کا ہوگیا جبکہ اوپن مارکیٹ میں ڈالر ایک روپے کمی کے بعد 148.50 روپے پر آگیا۔
کرنسی ڈیلرز کہتے ہیں کہ رمضان کے آخری عشرے میں بیرون ملک سے ترسیلات زر کی آمد بڑھی ہے اور زیادہ ترسیلات زر سعودی عرب اور متحدہ عرب امارات سمیت خلیجی ممالک سے آرہی ہیں، جس کی وجہ سے ڈالر کی سپلائی بہتر ہوئی ہے۔
سپلائی بہتر ہونے سے ڈالر کی قیمت اوپن مارکیٹ میں ایک روپے تک گری ہے۔
فوریکس ایسوسی ایشن کے چیئرمین ملک بوستان کا کہنا تھا کہ انٹر بینک مارکیٹ میں کمی کا سلسلہ جاری رہا تو اوپن مارکیٹ میں آنے والے دنوں میں ڈالر میں واضح کمی ہوسکتی ہے۔
ان کا کہنا تھا کہ انٹر بینک مارکیٹ میں بہت زیادہ اتار چڑھاؤ اوپن مارکیٹ کو متاثر کرتا ہے۔
انہوں نے توقع ظاہر کی ہے کہ اسٹیٹ بینک، انٹر بینک مارکیٹ میں ڈالر کی غیر ضروی خریداری روکنے کے لیے اپنے سخت اقدامات پر عمل درآمد جاری رکھے گا جس سے اس میں غیر قانونی کام کرنے والے بینکس اور درآمد کنندگان کی حوصلہ شکنی ہوگی۔
خیال رہے کہ گزشتہ روز انٹر بینک مارکیٹ میں ڈالر کی قدر 1.70 روپے کمی کے بعد 148.70 روپے ہوگئی تھی، جبکہ اوپن مارکیٹ میں ڈالر 50 پیسے کمی کے بعد 149.50 روپے ہوگیا تھا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*