.....................
Download WordPress Themes, Happy Birthday Wishes
HTV Pakistan
بنیادی صفحہ » خبریں » سلامتی کونسل اجلاس بھارتی حکومت کی سفارتی ناکامی ہے، کانگریس

سلامتی کونسل اجلاس بھارتی حکومت کی سفارتی ناکامی ہے، کانگریس

پڑھنے کا وقت: 1 منٹ

بھارت کی اپوزیشن جماعت کانگریس نے مسئلہ کشمیر پر سلامتی کونسل اجلاس کو بھارتی حکومت کی سفارتی ناکامی قرار دے دیا۔

کانگریس ترجمان کا کہنا تھا کہ کشمیر کا مسئلہ عالمی سطح پر اجاگر کرنا بھارتی حکومت کی سفارتی اوراسٹریٹیجک ناکامی ہے۔

ترجمان کا مزید کہنا ہے کہ جوہری معاملہ حساس نوعیت کا ہے، اس پر مبہم بات نہیں کی جاسکتی، حکومت جوہری پالیسی واضح طور پر بیان کرے۔

واضح رہے کہ بھارتی وزیر دفاع راج ناتھ سنگھ نے گذشتہ روز سماجی رابطے کی ویب سائٹ ٹوئٹر پر جاری بیان اور میڈیا سے گفتگو میں ایٹمی ہتھیاروں کے پہلے استعمال کی پالیسی میں تبدیلی کا اشارہ دیا تھا۔

راج ناتھ سنگھ نے عالمی برادری کو دھمکی دیتے ہوئے کہا کہ بھارت اب تک ایٹم بم کے ’نو فرسٹ یوز‘ کی پالیسی پر قائم رہا ہے، مستقبل میں کیا ہوگا؟ اس کا انحصار حالات پر ہے۔

وزیرخارجہ شاہ محمود قریشی نے راج ناتھ سنگھ کے بیان پر ردعمل دیتے ہوئے کہا ہے کہ جب کوئی سٹھیا جاتا ہے تو وہی کہتا ہے جو کل راج ناتھ سنگھ نے کہا۔

انہوں نے مزید کہا کہ دماغ میں خرابی پیدا ہو تو وہ کیا جاتا ہے جو بھارت نے 5 اگست کو کیا، پاکستان کےلیے آرٹیکل 370 کی کوئی اہمیت نہیں، ہمارے لیے مستقل حل کی اہمیت ہے، وہ حل جس کا بھارت پابند ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*