.....................
Download WordPress Themes, Happy Birthday Wishes
HTV Pakistan
بنیادی صفحہ » دین و مذہب » پولینڈ: وارسا میں مجالسِ عاشورہ کا انعقاد

پولینڈ: وارسا میں مجالسِ عاشورہ کا انعقاد

پڑھنے کا وقت: 1 منٹ

پولینڈ کے دارالحکومت وارسا میں یوم عاشور کے موقع پر مجالس عزاء مرکزی مجلس جعفریہ فورم کے زیرِ اہتمام شہر کے مرکزی علاقے میں منعقد ہوئی۔

ممتاز عالم دین شیخ مازن السھلانی نے مجلس شام غریباں سے خطاب کرتے ہوئے 10 محرم 61 ہجری کو پیش آنے والے واقعۂ کربلا کی تفصیل بیان کی۔

انہوں نے امام حسین علیہ السلام اور ان کے ساتھیوں کی قربانی کا مقصد اور ان پر ٹوٹنے والے مصائب بیان کرتے ہوئے کہا کہ امام عالی مقام علیہ السلام اور ان کے ساتھیوں نے اسلام کی سر بلندی کے لیے عظیم قربانی پیش کی جس کی مثال رہتی دنیا تک یاد رکھی جائے گی۔

مجلس کی نظامت کے فرائض پاکستانی ریسرچ اسکالر سید سبطین شاہ نے سر انجام دیئے جبکہ پاکستانی نوجوان نوحہ خوانوں سید اسد عباس اور سید رضا عباس برادران نے دلسوز اشعار میں نوحہ خوانی کر کے عزاداران کی آنکھوں کو اشکبار کر دیا۔

مجلس کے دوران سید مہدی رضوی نے سلام پیش کیا جبکہ دیگر نوحہ خوانوں میں سید سلیمان زیدی، رانا واصف اور فخرعباس قابل ذکر ہیں۔

مجلس میں پاکستانیوں کے علاوہ عراقی اور آذربائیجان کے نوحہ خوانوں نے بھی عربی اور آذری زبانوں میں نوحہ خوانی اور مرثیہ خوانی کی۔
اس موقع پر بات کرتے ہوئے ابو اسد نجفی نے کہا کہ آج امام حسین علیہ السلام کا غم منانے جمع ہوئے اور یہاں مختلف اقوام کے لوگ اس غم میں شریک ہو رہے ہیں۔

سید اسد عباس نے کہا کہ وارسا میں پچھلے سال کی طرح اس بار بھی عاشقانِ حسین علیہ السلام جمع ہوئے تاکہ مجالسِ عزاء میں شریک ہو سکیں۔

مجلس کے اختتامی مرحلے میں عزاداران نے ماتم و سینہ کوبی کر کے امام حسین علیہ السلام اور ان کے خاندان کی شہادتوں پر اپنے غم کا اظہار کیا اور یزیدیت کو مردہ باد کہا۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*