.....................
Download WordPress Themes, Happy Birthday Wishes
HTV Pakistan
بنیادی صفحہ » جرم کہانی » داعش کا سربراہ ابوبکر البغدادی امریکی حملے میں مارا گیا، ٹرمپ

داعش کا سربراہ ابوبکر البغدادی امریکی حملے میں مارا گیا، ٹرمپ

پڑھنے کا وقت: < 1 منٹ

امریکی صدر ڈونلڈ ٹرمپ نے کہا ہے کہ ابوبکر البغدادی نے خودکش حملے میں اپنے 3 بچوں کو بھی مارا ہے۔

غیرملکی خبررساں ادارے کے مطابق امریکی صدر ڈونلڈ ٹرمپ نے میڈیا سے گفتگو کرتے ہوئے کہا کہ آئی ایس آئی ایس سربراہ ابوبکر البغدادی مارا گیا ہے، اس کے ساتھ کئی دہشت گرد بھی مارے گئے۔

امریکی صدر نے کہا کہ آپریشن کے دوران کوئی امریکی فوجی ہلاک نہیں ہوا ہے، ابوبکر البغدادی شام میں ایک سرنگ میں موجود تھا، آپریشن کے دوران وہ خودکش دھماکے میں مارا گیا۔

ڈونلڈ ٹرمپ نے کہا کہ البغدادی کی لاش مسخ ہوچکی ہے، ڈی این اے سے شناخت ہوگئی ہے، ابوبکر البغدادی بیمار ذہنیت کا انسان تھا۔

انہوں نے کہا کہ ابوبکر البغدادی نے خودکش حملے میں اپنے تین بچوں کو بھی مارا ہے، البغدادی بیمار ذہنیت کا انسان تھا۔

امریکی صدر نے شام میں کامیاب آپریشن پر روس، ترکی اور شام کا شکریہ ادا کیا۔

واضح رہے کہ آج امریکی میڈیا سے دعویٰ کیا تھا کہ امریکی اسپیشل فورسز نے ٹرمپ کی منظوری سے ادلب میں آپریشن کیا جس کے نتیجے میں ابوبکر البغدادی مارا گیا۔

روسی میڈیا نے سینئر پینٹاگون عہدیدار کے حوالے سے دعوی کیا تھا کہ ابو بکر البغدادی کو شام کے علاقے ادلب میں خفیہ آپریشن کے دوران ہلاک کیا گیا۔

ذرائع کا مزید کہنا تھا کہ پر اعتماد ہیں کہ آپریشن میں ٹارگٹ کیا گیا گیا بڑا ہدف البغدادی ہی تھاامریکی صدر ڈونلڈ ٹرمپ نے بھی اپنے بیان میں کہنا تھا کہ کچھ دیر پہلے بہت بڑا واقعہ پیش آیا ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*