.....................
Download WordPress Themes, Happy Birthday Wishes
HTV Pakistan
بنیادی صفحہ » خبریں » رات 10 بجے کے بعد آن لائن گیمز پر پابندی، نوٹیفکیشن جاری

رات 10 بجے کے بعد آن لائن گیمز پر پابندی، نوٹیفکیشن جاری

پڑھنے کا وقت: < 1 منٹ

ترجمان جنرل ایڈمنسٹریشن آف پریس اینڈ پبلیکیشن نے واضح کیا ہے کہ ہدایت کا مقصد بچوں اور نوعمر نوجوانوں کو گیمنگ کے جنون سے روکنا ہے۔

تفصیلات کے مطابق چین میں بچوں کو ڈیڑھ گھنٹے سے زائد اور رات 10 بجے کے بعد آن لائن گیمز کھیلنے پر پابندی عائد کرنے کا قانون نافذ کردیا گیا۔

مقامی خبر رساں ادارے کا کہنا تھا کہ چین میں 14 فیصد سے زائد نابالغ یا 16 سال سے کم عمر کے 3 کروڑ 30 لاکھ افراد انٹرنیٹ استعمال کرنے کے عادی ہیں۔

غیر ملکی خبر رساں ادارے کے مطابق اس قانون کو چین کے دارالحکومت بیجنگ میں متعارف کرایا ہے جو کہ نوجوانوں اور بچوں میں آن لائن گیمنگز کی لت کو روکنے کے لیے ہے۔

مذکورہ قانون کے مطابق رات 10 بجے تک تمام بچوں کو سونے کی ہدایت کی گئی ہے، چاہے ان بچوں نے اپنا اسکول کا کام مکمل کیا ہو یا نہیں۔

نئے قانون کے تحت 16 سال سے کم عمر کے بچے ایک گھنٹے سے زیادہ آن لائن گیمز نہیں کھیلیں گے جب کہ انہیں چھٹی کے دن 3 گھنٹے سے زیادہ گیم کھیلنے کی اجازت نہیں ہوگی۔

برطانوی خبر رساں ادارے ڈیلی میل کی رپورٹ کے مطابق نافذ کردہ قانون میں رات 10 بجے سے صبح 8 بجے تک نوجوانوں کو بھی گیم کھیلنے سے سختی سے منع کیا گیا ہے۔

چین کے جنرل ایڈمنسٹریشن آف پریس اینڈ پبلیکیشن ترجمان کے مطابق اس ہدایت کا مقصد بچوں اور نوعمر نوجوانوں کو گیمنگ کے جنون سے روکنا ہے۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*