.....................
Download WordPress Themes, Happy Birthday Wishes
HTV Pakistan
بنیادی صفحہ » مزیدار پکوان » آئیے آج ملائی کوفتے بناتے ہیں

آئیے آج ملائی کوفتے بناتے ہیں

پڑھنے کا وقت: < 1 منٹ

کوفتے بنانا یوں تو عام سی بات ہے جنہیں شوق سے کھایا بھی جاتا ہے، لیکن آج ہم آپ کو کوفتوں کی کچھ منفرد ترکیب یعنی ملائی کوفتے بنانے کی ترکیب بتا رہے ہیں۔

اجزا
قیمہ: 1 کلو

پیاز (باریک کٹی ہوئی): آدھا کلو

نمک: حسب ضرورت

ملائی: 3 کھانے کے چمچ

چنے بھنے ہوئے: 1 کھانے کا چمچ

ہرا دھنیہ: آدھی گڈی

خشخاش: 1 چائے کا چمچ

پسا گرم مصالحہ: 1 چائے کا چمچ

گریوی کے لیے

پیاز: 2 عدد

دہی: آدھا کپ

پسی ہوئی لال مرچ: 2 کھانے کے چمچ

پسا ہوا دھنیہ: 1 کھانے کا چمچ

ہلدی: آدھا چائے کا چمچ

ادرک لہسن پیسٹ: 1 کھانے کا چمچ

نمک: حسب ذائقہ

تیل: حسب ضرورت

ترکیب
سب سے پہلے گرائنڈر میں قیمہ، آدھی پیاز، ہری مرچیں، ہرا دھنیہ، گرم مصالحہ، خشخاش، بھنے ہوئے چنے اور نمک ڈال کر باریک پیس لیں۔

کھلے منہ کے پیالے میں نکال کر ملائی ڈال کر ملائیں پھر اس کے کوفتے بنالیں۔

ایک دیگچی میں تیل گرم کریں، اس میں بچی ہوئی پیاز ڈال کر سنہری تل لیں۔

اب اسے پلیٹ میں نکال کر دہی کے ساتھ مشین میں پیس لیں۔

تیل میں دہی اور پیاز کا آمیزہ ڈال کر 5 منٹ تک پکائیں۔

اب اس میں لال مرچ، دھنیہ، ہلدی، ادرک، لہسن کا پیسٹ اور نمک ڈال کر بھون لیں۔

اب اس میں کوفتے شامل کر کے دم پر رکھ دیں، تیار ہونے کے بعد گرما گرم نان یا چپاتی کے ساتھ پیش کریں۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*