.....................
Download WordPress Themes, Happy Birthday Wishes
HTV Pakistan
بنیادی صفحہ » خبریں » اقتصادیات » چین کا آزاد تجارتی معاہدہ قبل از وقت شروع کرنے کا اعلان

چین کا آزاد تجارتی معاہدہ قبل از وقت شروع کرنے کا اعلان

پڑھنے کا وقت: < 1 منٹ

چین نے پاکستان کے ساتھ آزادانہ تجارتی معاہدے کو قبل از وقت فعال کرنے کی منظوری دے دی ہے۔

مشیر تجارت عبدالرزاق داؤد نے آج چین کے سرمایہ کاروں کے وفد سے اسلام آباد میں ملاقات کی، اس موقع پر ناروے، یورپی یونین سمیت کئی ممالک کے نمائندے موجود تھے۔

عبدالرزاق داؤد نے ملاقات کے بعد میڈیا سے گفتگو میں کہا کہ چین اور پاکستان کا آزادانہ تجارتی معاہدہ یکم دسمبر سے فعال ہوجائے گا۔

انہوں نے مزید کہا کہ پیر سے لاہور میں ہونےوالے بین الاقوامی ٹیکسٹائل فیشن شو میں چینی ٹیکسٹائل صنعت سے وابستہ سرمایہ کار بھی شرکت کریں گے۔

مشیر تجارت نے یہ بھی کہا کہ کچھ ممالک کا کہنا ہے کہ عالمی تجارتی تنظیم (ڈبلیو ٹی او) کا نظام اچھی طرح سے کام نہیں کرتا، وہ صرف ترقی پذیر ممالک میں تجارت کے حوالے سے کام کر رہا ہے۔

عبدالرزاق داؤد کا کہنا تھا کہ ہماری وزارت فوڈ سیکیورٹی میں صلاحیت کی کمی ہے اور چین ہماری وزارت فوڈ سیکیورٹی کو تربیت فراہم کرنے کیلئے تیار ہے۔

انہوں نے زرعی اجناس چین سے درآمد کرنے کے حوالے سے کہا کہ ہم ٹماٹر، پیاز، سبزیاں، گندم، چاول اور دیگر اجناس چین بھجوا سکتے ہیں۔

مشیر تجارت نے مزید کہا کہ اس کے تحت ہمیں اپنی مصنوعات کو چین میں نمائش کرنے کا پویلین مل جائے گا مگر اس کے لیے دسمبر سے پہلے درخواست دینا ہوگی۔

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*